Ulang Arta Simada Hita

-

 KATA HARI INI: 1019

"Maningon ihunsangkon ham do duitmu ase duitmu ai goranon, tapi anggo ihunsangkon duit ai ma uhurmu, ia ma manjajah ham. Sisonai do age arta, ningon hita do simadasi, ulang arta ai simada hita." ~ Pdt J Wismar Saragih

Ai ma sada partinandaan bahasa hata na luar aima tonggo pangindoan.

Ai do ase gati ipasingat orangtua ulang marsahap sumsam. 

Halani hata naluar ibagas hasintongan mangkorhon bani namadear. Tapi hata namabutak mangkorhon sining. Anggo sonai lang ihaporluhon marsahap pakon abak  naso iharosuhkon Tuhan.

Mulak bani topik KHI, uhur do manontuhon langkah pakon tujuan. 

Sontoh, anggo sihol mangankon pasti ibobai uhur do mangindahi sipanganon. Sonai do anggo sihol minum ibobai uhur do mangindahi bah si inumon.

Sonai do bani haporluan nalegan. Sihol pistar ibobai uhur do mangindahi pangguruan. Sihol dapot haluahon humbani parjabolonan ni dosa, uhur mambobai langkah manjumpahi sipaluah aima Kristus Tuhanta in.

*_Sonaima uhur pakon pingkiran on manimbili abak na jungkat._* Atap hajungkaton ai do mambobai uhur pakon pingkiran laho mangkorjahon najahat ? 

Anggo sonai do totap ma idon-doni dosa. 

*Tapi mangguas ma humbani gomgoman sibolis, uhur pakon pingkiran pe mangindahi  sipaluah ma ibobai Tonduy ni Kristus Tuhan  Raja ni sagala Raja.* *Amen.*

Salam sehat, tetap semangat. (St. Riden Sipayung)

-  - - - - - - - 

Mamutei pangibulan sinuratkonmu,  _*Sonaima uhur pakon pingkiran on manimbili abak na jungkat..... mangindahi  Sipaluah... ibobai Tonduy ni Kristus*_, nuhurhu pe aima tohoni, intini: aha do na mambobahon uhurta ibahen hita.

Nini hata ni Tuhanta, _"Ai sagala *na binobahon ni Tonduy ni Naibata*, ai ma anak ni Naibata."_ Pakon hata na legan, sagala *na binobahon ni Tonduy* aima na mangharosuhkon rosuh ni Naibata. Ai sagala *na binobahon ni Tonduy* ai do manghagigihon hagigi Naibata. 

Anjaha, nini use,  *"anggo Tonduy do na mambobahon nasiam", "talar do horja ni daging*, ..... "habutakon, goluh na so marrante", ... pkn sambatni (Gal 5:19-21).

Tonduy ai do mambobai uhurta manghagigihon ai ganup. Anggo dagingta siihutkon, harosuhni ma ai. Tapi nini bani pangujungi ni ayat ai (paima padaskan buah-buahni Tonduy, ay 22), ...."Sihorjahon na sonai, seng teanon ni ai Harajaon ni Naibata."

Tarimakasih bamu na mambuhai uhurta bani hasintongan ni hata ni Tuhanta pasal porluni uhurta ibobai Tonduy ni Naibata. (St. (Em) M Agustinus Purba)

- - - - - - - - - -

Horas Pung, sonai hu banta on haganupan.

Jorei janah tulimat do ham Pung patorangkon, banjei janah torang, urah arusan.

Ibobai ham pingkiran sonai uhur marhorja, mandapotkon nulat ni parsahapan, ai do ase hu hatahon banjei, terstruktur hatorangan ni ai do ase huhatahon tulimat. Mantap Pung. Dapotan do au bani ai. 

Diatei tupa ma bamu Pung. Jimot do ham mambobai pangarusion manggoki nahurang. (St. Riden Sipayung)



Comments

Post a Comment

Popular posts from this blog

Memikul Salib

-
"Yesus memiliki banyak orang yang mencintai kerajaan Allah, tetapi sedikit yang memikul salib. Ia memiliki banyak yang menginginkan penghiburan-Nya, tetapi sedikit yang menginginkan penderitaan-Nya. Semua ingin bersukacita bersamanya, tetapi sedikit yang bersedia menderita untuk-Nya. Ada banyak yang mengagumi mukjizat-Nya, tetapi hanya sedikit yang mengikuti kerendahan salib. " - Thomas a Kempis NAMARDALAN DO HITA NUAN LAHO MAMIARI HAUHURONTA, ASE TOTAP RIAP PAKON JESUS *Namardalan do hita nuan, tapi lang mangindahi be, ai domma dapot napinindahan. Sonaha do manramotkon ronsi paorodkon hadirionta bani sipartobus Jesus Kristus.* *Nadob ampei do hita i abingan-Ni, in ma panotap pakon hatotapan banta ase dihut parsimada bani panaronon pakon hasangapon ni Jesus Kristus.* *KATA HARI INI*: 1017 "Yesus memiliki banyak orang yang mencintai kerajaan Allah, tetapi sedikit yang memikul salib. Ia memiliki banyak yang menginginkan penghiburan-Nya, tetapi sedikit yang menginginkan pen...
Read more

Perkataan

-
KATA HARI INI - 1031 "Anda tidak hanya bertanggung jawab atas apa yang Anda katakan, tetapi juga atas apa yang tidak Anda katakan" Martin Luther PALOJO IDILAT BIBIR ASE MARSAHAP, GEPE IDILAT BIBIR TAPI LANG ISAHAPKON HONA UHUM DO Mansahapi tanggung jawab sada horja naborat, anggo lang tubuh humbani hasintongan. Aima ase rado marbeda sahap ni sogod lain homa sahap ni bodari.  Pag do mamorso apalagi ihadapkon bani uhum, artini lang adong namarosuh idabuh bani uhum age ia lepak. Aima sifat ni hajolmaon,  ipengadilan marpala-pala do parohkon saksi-saksi laho mangapiti age bani nalepak. *KATA HARI INI*: 1031 "Anda tidak hanya bertanggung jawab atas apa yang Anda katakan, tetapi juga atas apa yang tidak Anda katakan" ~  Otik do hata sipagolpa bani Kata Hari ini, tapi bolag do hinabkab ni. Marappok hata on anggo lang bijak mandalankon. Boido nini uhur dalan ni idou hape utang. Anggo itulimati hata bijak on urah tapi ngalut.  Aima ase songon natartulis bani  *Mateus 5:3...
Read more

Sedo na lupa Naibata

-
"Anggo masa banta ari-ari na borat jolom hita ma poltik Naibata. Turiturihon hita ma Bani sagala pusok ni uhurta. ljai ma lambin iahap hita, sedo na lupa Naibata banta, dohor do Ia banta rap pakon partolonganni." ~Pdt J Wismar Saragih, Tadah ni Tonduyta, 27 Februari Dua do turi-turian pasal goluh on, susah pakon sonang. Nasunsah sedo hansa halani otik ni si bagion, nabahat dapotan pe boi sarupa sunsah ni pakon naso dapotan.  Sitarimakasihkonon do anggo lang kebagian bani malas ni uhur ni dunia naso marantup hata ni Tuhan. Tapi nadapotan bani idob ni uhur ni Tuhan ma simantinan, *Marhasoman Arta Naso Ra Bois.* Buei do tiha-tiha, namarborit ni uhur anggo lang ietong goran ni bani daftar sijalo sisip, atap buah ni horja pallabut. Boi do marsionggopan, mambahen tardunggar habotohan bani panguhum ni dunia on, tapi panguhum na hun nagoriatas domma parlobei botohan pasal ai.  Sonaima pokkut ni si Ringgas marsarita mangidah buei ni petinggi negeri hundatas das hu toruh sietekan mangi...
Read more