Sihol ni Uhur Pajumpah Pakon Naibata
"Na porlu banta ase ari-ari hita sihol marjumpah pakon Naibata. Ningon malas uhurta janah hatagihan hita sihol mangidah Jahowa, hinsah uhurta laho marjumpahkon Naibata ari-ari. Iisi parjumpahan ai ma hita bani malas ni uhur, ai ma paroh gogoh pakon malas mi uhurta mangkorjahon horjanta ari-ari, ijai ma homa dear ni horja ai pakon saud ni horja ai." ~Pdt J Wismar Saragih, Tadah ni Tonduyta, 5 Februari Hata masihol atap siholan aima ungkapan pataridahkon pingkiran hurangan bani sada atap lobih, naongga iahapkon hiya marhitei pardingat. Hataridahan ahap na ongga riap-rup atap mangalami sada situasi janah marbokas bani pardingat. Pardingat ai do namanrahut sada uhur ojur mangulaki songon naongga iahapkon. Marlajar si Tolkas mamudun hata, mambuha sahap laho manakkasi topik ni Kata Hari Ini. Lanjar irik si Maor marsappang ihatahon sonon: Maor: Huirik-irik sahap mu ai dahkam songon bonang namargulut-gulut, sabas bogeion ngalut arusan. Patorang ham tongon lawei, nini ipahusor ...