Sedo na lupa Naibata

"Anggo masa banta ari-ari na borat jolom hita ma poltik Naibata. Turiturihon hita ma Bani sagala pusok ni uhurta. ljai ma lambin iahap hita, sedo na lupa Naibata banta, dohor do Ia banta rap pakon partolonganni." ~Pdt J Wismar Saragih, Tadah ni Tonduyta, 27 Februari

Dua do turi-turian pasal goluh on, susah pakon sonang. Nasunsah sedo hansa halani otik ni si bagion, nabahat dapotan pe boi sarupa sunsah ni pakon naso dapotan. 

Sitarimakasihkonon do anggo lang kebagian bani malas ni uhur ni dunia naso marantup hata ni Tuhan. Tapi nadapotan bani idob ni uhur ni Tuhan ma simantinan, *Marhasoman Arta Naso Ra Bois.*

Buei do tiha-tiha, namarborit ni uhur anggo lang ietong goran ni bani daftar sijalo sisip, atap buah ni horja pallabut. Boi do marsionggopan, mambahen tardunggar habotohan bani panguhum ni dunia on, tapi panguhum na hun nagoriatas domma parlobei botohan pasal ai. 

Sonaima pokkut ni si Ringgas marsarita mangidah buei ni petinggi negeri hundatas das hu toruh sietekan mangihuti marsibuatkon buat ni. Sambor ni goluh nai pardakadak ni panguhum, lang dong ila age otik domma takkap duppar. 

Maor: Lang saimbang megah ni uhur ibanding habadoron naijombahon  bani pardompakan ni keluarga, sindohor, teman-temin sahuria.

Tolkas: Ganup do hita on mananda dosa, ulang ma nian iugut-ugut, tubuh ma namin uhur namangulangi. 

Marpesta banggal ia pakon sibolis, lang dong nahurang ni bani goluh on.

Maor: Koras do sahap mu ai dahkam ? Ai huja do alamat ni sahap mu ai ? Boi do tarsinggung hasoman naso inggan dalan ni.

Tolkas: Dong do istilah ibanta, hehehehe...."sipata tarsingat", dong do tong gunani ai. Ase ulang dong namangugamhon, mana tau assogod hela ni ham tarpilih jadi lurah, samat atap aha pe tanggung jawab ni. Ulang ham lupa pasingatkon, olat ni ai do hansa.

Ringgas: Ongga do hundul au ilambung ni sada hasoman isobut parproyek bani pamarentahan, sanggah martelepon pe domma bulinsah. Hundul...., jongjong...., dalan-dalan....., sambung-menyambung mangkatohon ase idaftarhon goran ni bani proyek ai. 

Ihatahon nasahali onde lang dapotan ia, on satongah mamaksa ase dapotan.

Maor: Torus sondia baritana ibege ham, lanjut do ? 

Ringgas: Masam ma, dong namulak-ulak wajib lapor, dong namasuk tutupan, nadeba lang sompat sidang domma itadingkon dunia on. 

Dohot rekan-rekan swasta pe hona do, isapu ganup ipadosdos, ai nikku pe unang ma nian.......hmmmmm.

Tolkas: *Sonai ma goluh namansidingi diri ni ilobei ni Naibata, lupa domma jong-jong ibibir ni lombang, madabuh ma. Ibotoh do naulang, tapi lang manjalo sipasingat.*

*Sada do dalan manundalhon ai, totap ma orod bani panoguon ni Tuhan, gepe marsik mangalo hisap-hisap ni dunia on.* *Tapi sungkupan ni Tuhan Naibata do anak haholongan-Ni.* *Amen*

Salam sehat, totap semangat.

(St Riden Sipayung)