Manandai diri

-

 Sobut ham lobei sada atap dua aha do mambahen borit uhurmu bani goluh on. Sora ni parambilan hun anjab-anjab, mambahen torsongon nahona ahap ni namanangar. Anggo iposisihon hita dirinta jadi korban halani kecewa, sakit hati, tersinggung atap naiburai hasoman. 

Ilanjutkon parambilan, dong do nasompat mancatat bani buku partikkian? Atap ihopol-hopol, isimpan ponop bani luhit-luhitan ni uhurmu ? Dob ai idingati ham ma lobei, tambah do bilangan ni, roh mombur ni do ? 

Domma marbuah, janah domma jumpah ham daini ? 

Dob ai dingati ham ma lobei sagala masam ni dai, manis do, mapaet do, migar do, manis majambu do, manis sampur migar ?

Halani ham do namandai marbalos ham ibagas uhurmu !

Dob ai bapa-- Inang, sonai age namaposo, dingati ham homa naongga pamalas uhurmu bani goluh on. 

Marsurae do uhur ni jolma marlumba pasosok-sosokhon hadirion ni marhitei sungkun-kun na hun anjab-anjab.

Marubah do bohi ni huria bani sungkun-kun napaduahon in. Wajah berseri-seri nini hata Indonesia, minar nini hata Simalungun. Halani boi hape pardingat ai mangkorhon bani malas ni uhur. Bohi pe marubah marsinalsal torang ibagas nasonang, lang songon bohini namardomdom. 

Lang pala marbalos nasiam bapa-inang, sonai namaposo bani namarsora nagogoh.

Tapi balos naso marsora na ibagas uhurmu ai pe, gogohonan do ai halani das do hu nagoriatas.

Naha dalanni ? Halani lape marbalos ham domma ibotoh Tuhan aha do naibagas uhurmu.

Haganup do marosuh bani malas ni uhur, ihorjahon ham namdear ase malas do uhurmu. Anggo dong namardosa, ibahen ai pamalas uhur ni, gabe sibolis do pangajari bani, lang ia bijak, itambahi sitaronon bani goluh ni. 

Lukas 15:10 *"Huhatahon ma bani nasiam, usih hujai do masa malas ni uhur i lobei ni malekat ni Naibata mangidah sahalak sipardousa, na paubahkon uhurni. ”*

Ringgas: Domma isahapi hita pasal napaubah uhur piga-piga ari nasalpu, ai do dalan laho mardamei pakon dirinta sandiri ampa hubai hasoman. Dob mardamei hita samah hita sonai namanunsahi uhurta, ijai ma parjumpahanta pakon Tuhan Naibata

Maor: Untung ma hutangar ambilan on, lang pala be huponopkon borit uhur hu, migar do ahapku anggo sai tong itarsingati.

Ringgas: Anggo ahu domma dokah hutadingkon ai, totap ma marhasonangan rap pakon Jesus in.

Tolkas: On ma partikkian bangku, lang be au ra marsogam ni uhur, ai paet do daini anggo sai tong itarsingati. 

Lukas 19:10 *"Ai na roh do Anak ni Jolma in mangindahi anjaha paluahkon na magou."*

Maor: *Ganup do hita on sihol maluah humbani dosa, ase jumpah ma parsaoran ibagas Kristus Tuhan ronsi ari simagira.*  *Amen*

Salam sehat, totap semangat.

_Ai rup hundul do sidea sogod on iparmingguan MTR sitolusaodoran, janah totap patuh bani prokes, aimasa PSBB dope sonari._

(St. Riden Sipayung)

------------

Jenges tumang ambilan ai dahkam. Tongon do ai. Aha pe balosta, na ipadas hita bani hasoman, anggo Naibata ibotoh do aha hauhuronta, bahkan ronsi motif ipudini balos atap hatanta ai.

Naibata do sibotoh hauhuron. Lang dong na tarponopkon hita ilobei-Ni. 

Pojamni ope, boi anjaha gati lang ibotoh jolma hakahoupnni ilobei ni Naibata. Songon nini bani Psalmen ai, "Hakahouon—ise ma na mangartihon ai? Paluah Ham ma ahu humbani salah na ponop!" (Siapakah yang dapat mengetahui kesesatan? Bebaskanlah aku dari apa yang tidak kusadari.)

Ai do ase ibagas unduk ni uhur panurat dodingta ai mangkatahon,

"_Tandai Ham ma au, pareksa Ham pakon uhurhu,_

_Uji Ham au, papangkei ham pakon dalanku!_

_Itandai Ham do au on, O Tuhan_." (Hal. 234:1)

Jenges ni idop ni uhur ni Tuhan ai tene, jolma na kahou ai, ipindahi anjaha idilo marparsaoran, marhasadaon, bersekutu, pakon-Si, songon na isobut bani KHI sadarion. Tarpuji ma tongon Tuhanta.

Tarimakasih ma. Salam sehat ma banta.

(M. Agustinus Purba)

------------

Horas Pung, diatei tupa ipagas ham jadi anggo namanatap ondi roh bolag ni nataridah.

Tontu haganupan ai mangajari ahu, pakon mangarahkon ahu, padohorhon diri hubani harajaon ni Naibata. 

Hata ni doding No. 234 ayat 1 ai memang humbani nasapari rosuh do diri manangar age mandodingkon. Ibobai hauhuron on gabe sintoruh ra manjalo koreksi ronsi manjalo sipasingat bani salah naponop.

Ase songon hata ni doding Haleluya No. 448: 1

Mantin in do hape, padan ni Tuhan Jesus

Pamalas uhur tene, bai ganup na tinobus

Dear tumang padan-Nin, na gabe sijoloman

Patoguh uhur  do in bai na marpangarapan

Sai hagoluhkon ma in baen rudang hajengeson

Ase sonang ham ijin gok Tonduy Hasintongan

Hinalayak-Ni do in pasirsir haluahon

Janah damei uhurmin jumpahan hagoluhan. 

Malampot tangaron, sonai age idodingkon manorap hubagas uhur  parbagas ibobai Tonduy ni Kristus.

Songon bani deteng ni milas ni ari ibobai bani parlinggoman, marombus alogo manisei manambahi malas ni uhur. Lobih pe hunjai jumpah anggo sintong marondos bani kuasa hagogohon-Ni Tuhan Naibata. 

On ma lobei bualta Pung, selamat borngin ma. Salam sehat hu banta on ganupan. 🙏

(St. Riden Sipayung)



Comments

Post a Comment

Popular posts from this blog

Memikul Salib

-
"Yesus memiliki banyak orang yang mencintai kerajaan Allah, tetapi sedikit yang memikul salib. Ia memiliki banyak yang menginginkan penghiburan-Nya, tetapi sedikit yang menginginkan penderitaan-Nya. Semua ingin bersukacita bersamanya, tetapi sedikit yang bersedia menderita untuk-Nya. Ada banyak yang mengagumi mukjizat-Nya, tetapi hanya sedikit yang mengikuti kerendahan salib. " - Thomas a Kempis NAMARDALAN DO HITA NUAN LAHO MAMIARI HAUHURONTA, ASE TOTAP RIAP PAKON JESUS *Namardalan do hita nuan, tapi lang mangindahi be, ai domma dapot napinindahan. Sonaha do manramotkon ronsi paorodkon hadirionta bani sipartobus Jesus Kristus.* *Nadob ampei do hita i abingan-Ni, in ma panotap pakon hatotapan banta ase dihut parsimada bani panaronon pakon hasangapon ni Jesus Kristus.* *KATA HARI INI*: 1017 "Yesus memiliki banyak orang yang mencintai kerajaan Allah, tetapi sedikit yang memikul salib. Ia memiliki banyak yang menginginkan penghiburan-Nya, tetapi sedikit yang menginginkan pen...
Read more

Perkataan

-
KATA HARI INI - 1031 "Anda tidak hanya bertanggung jawab atas apa yang Anda katakan, tetapi juga atas apa yang tidak Anda katakan" Martin Luther PALOJO IDILAT BIBIR ASE MARSAHAP, GEPE IDILAT BIBIR TAPI LANG ISAHAPKON HONA UHUM DO Mansahapi tanggung jawab sada horja naborat, anggo lang tubuh humbani hasintongan. Aima ase rado marbeda sahap ni sogod lain homa sahap ni bodari.  Pag do mamorso apalagi ihadapkon bani uhum, artini lang adong namarosuh idabuh bani uhum age ia lepak. Aima sifat ni hajolmaon,  ipengadilan marpala-pala do parohkon saksi-saksi laho mangapiti age bani nalepak. *KATA HARI INI*: 1031 "Anda tidak hanya bertanggung jawab atas apa yang Anda katakan, tetapi juga atas apa yang tidak Anda katakan" ~  Otik do hata sipagolpa bani Kata Hari ini, tapi bolag do hinabkab ni. Marappok hata on anggo lang bijak mandalankon. Boido nini uhur dalan ni idou hape utang. Anggo itulimati hata bijak on urah tapi ngalut.  Aima ase songon natartulis bani  *Mateus 5:3...
Read more

Sedo na lupa Naibata

-
"Anggo masa banta ari-ari na borat jolom hita ma poltik Naibata. Turiturihon hita ma Bani sagala pusok ni uhurta. ljai ma lambin iahap hita, sedo na lupa Naibata banta, dohor do Ia banta rap pakon partolonganni." ~Pdt J Wismar Saragih, Tadah ni Tonduyta, 27 Februari Dua do turi-turian pasal goluh on, susah pakon sonang. Nasunsah sedo hansa halani otik ni si bagion, nabahat dapotan pe boi sarupa sunsah ni pakon naso dapotan.  Sitarimakasihkonon do anggo lang kebagian bani malas ni uhur ni dunia naso marantup hata ni Tuhan. Tapi nadapotan bani idob ni uhur ni Tuhan ma simantinan, *Marhasoman Arta Naso Ra Bois.* Buei do tiha-tiha, namarborit ni uhur anggo lang ietong goran ni bani daftar sijalo sisip, atap buah ni horja pallabut. Boi do marsionggopan, mambahen tardunggar habotohan bani panguhum ni dunia on, tapi panguhum na hun nagoriatas domma parlobei botohan pasal ai.  Sonaima pokkut ni si Ringgas marsarita mangidah buei ni petinggi negeri hundatas das hu toruh sietekan mangi...
Read more