Naibata manrajai uhurta
Anggo iahap uhurta ma Naibata manrajai uhurta, lambin lang be margogoh uhur sapari ai ibagas dirinta, lambin merung ma sagala uhur dousa, tarpisat ibahen kuasa na humbabou ai, dobni matei ma ai, seng dong golleni be mangatur hita. Jadi lambin romban ma uhurta, pingkiranta, goluhta bani harosuh ni Naibata. Itarsingati goluh sisapari, aha do bedani pakon goluh sisonari ? Nini si Maor mamungkah parbualan ni *MTR sitolusaodoran.* Mambahen tarbuka pingkiran ni si Tolkas marbalos ihatahon sonon: Tolkas: Istilah goluh sisapari aima goluh ni hajolmaon naporsaya bani sombah-sombahan naitopa ni jolma. Naisal humbani jadi-jadian, nalang totap martiru ahap ni hajolmaon pakon dunia on. Maor: Toruskon ham istilah goluh sisonari sonaha homa on ? Ringgas: Goluh sisonari aima goluh ni jolma nadob porsaya bani Sipaluah Tuhanta Jesus Kristus. Aima otik hatorangan istilah sisapari pakon sisonari. Goluh sisapari gok dosa hajahaton naibobai sibolis, sisonari gok malas ni uhur halani ibobai Tonduy Napan...